Գիտքարտուղար Լևոն Լևոնյանը պիտի պարզաբանի…
![](http://rector.am/wp-content/uploads/2019/07/PRO_1928-1024x683.jpg)
Ճարտարապետության և շինարարության Հայաստանի ազգային համալսարանի պրոֆեսոր, տեխնիկական գիտությունների դոկտոր Պետրոս Համբարձումյանը բաց նամակով օրերս դիմել էր բուհի հոգաբարձուների խորհրդի անդամներին, մի շարք հարցերի վերաբերյալ պատասխաններ ստանալու ակնկալիքով այստեղ:
Հարցերից մեկը վերաբերում է թերբեռնված խմբերում նվազեցված ժամաքանակներով պարապմունքներին: Պրոֆեսոր Համբարձումյանը ցանկանում է իմանալ, համալսարանի կողմից ստանձնած պարտավորությունները թերի կատարելու հետևանքով ինչքա՞ն է կազմել պետությանը և վճարովի համակարգի ուսանողներին պատճառված վնասը:
Սակայն այստեղ կա պարզաբանման ենթակա ևս մի կարևոր հանգամանք. Ճարտարապետության և շինարարության Հայաստանի ազգային համալսարանի գիտխորհրդի 17.04.2018թ. որոշմամբ սահմավել են բուհում ուսումնական բեռնվածքի հաշվարկման ժամային նորմերը”: Գիտխորհրդի N01-04/18 արձանագրությունը բաղկացած է 6 էջից: Սակայն առկա է արձանագրության երկու իրար հակասող 6-րդ էջ:
Դրանք երկուսն էլ թվագրված են նույն ամսաթվով՝ 17.04.2018թ, ստորագրված են նույն անձի՝ գիտական քարտուղար Լևոն Լևոնյանի կոմից և վավերացված են Համալսարանի կնիքով:
Ընդ որում, հենց այդ էջի վրա է գրառված թերբեռնված
պարապմունքներին վերաբերող չափաքանակները:
Մի դեպքում որպես նորմ սահմանված է, “…մինչև 4 ուսանող ունեցող խմբերում բեռնվածքը սահմանվում է 25% -ի չափով”, իսկ մյուսում՝ “…մինչև 3 ուսանող ունեցող խմբերում բեռնվածքը սահմանվում է 50% -ի չափով”:
Ակնհայտ է, որ դրանցից մեկը կեղծ է:
Նվազեցված տոկոսով վարձատրման պրակտիկայի կիրառումը՝ հակաօրինական է։
Պետության կողմից ուսանողական նպաստների ձևավորման վարձի լրիվ փոխհատուցմամբ (անվճար) առկա ուսուցմամբ կրթական ծրագրերով բուհին տրամադրվող գումարը ներառում է ուսումնական պլանով նախատեսված պարապմունքները: Փաստորեն կիրառելով նվազեցված տոկոսով վարձատրման պրակտիկան, ստացած գումարի դիմաց իր կողմից ստանձնած պարտավորությունների մի մասը Համալսարանը չի իրականացրել՝ պետությանը պատճառելով խոշոր չափերի վնաս: Ուստի, չպարապված դասաժամերի դիմաց ստացված գումարները ենթակա են հաշվարկման, որպեսզի հետագայում ետ վերադարձման ՀՀ պետական բյուջե:
Նույնը վերաբերում է նաև վճարովի ուսուցման համակարգում սովորող ուսանողներին: Չպարապված դասաժամերի դիմաց ստացված գումարները ենթակա են հաշվարկման, որպեսզի հետագայում ետ վերադարձման վճարովի ուսուցմամբ սովորող ուսանողներին նույնպես:
Գիտքարտուղար Լևոն Լևոնյանը պետք է պարզաբանում տա, ե՞րբ, ինչո՞ւ և ո՞ւմ հանձնարարությամբ է փոխվել գիտխորհրդի որոշումը:
Այս հարցի պատասխանը լույս կսփռի շատ հարցերի վրա:
Սպասենք հետագա զարգացումներին:
Գագիկ Ներսիսյան