ԳԱԳԻԿ ԳԱԼՍՏՅԱՆԸ ՊԵՏՔ Է ՀԵՌԱՆԱ ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՄԱԼՍԱՐԱՆԻՑ

Արդեն պարզ է, որ Գալստյանը չի պատրաստվում ինքնակամ թողնել Ճարտարապետաշինարարական համալսարանի ռեկտորի պաշտոնը:

Դա նրա համար առավել կարևոր է, քան արժանապատվությունը:

Գագիկ Գալստյանն արդեն համակերպվել է կեղծ դոկտորի պիտակի հետ, և օգտվելու է օրենսդրական այն բացից, որ զրկել իրեն դոկտորի աստիճանից, ֆորմալ առումով, հնարավոր չէ:

Սակայն Գագիկ Գալստյանը չի կարող մնալ կրթական համակարգում:

Ոչ մի պարամետրով նա չի համապատասխանում իր պաշտոնին՝ ոչ կրթական, ոչ գիտական և ոչ էլ՝ բարոյական չափանիշներով:

Եթե Գագիկ Գալստյանը ինքնակամ չհեռանա, մենք հետամուտ ենք լինելու, որ նա պաշտոնանկ արվի:

Դրա պատճառը միայն ներկայացվող գրագողությունը չէ, և ոչ էլ ապօրինի կերպով ստացած պրոֆեսորի գիտական կոչումը:

Հիմքերը շատ ավելի խորն են և դրանք “մետաստազի” նման տարածված են բոլոր ուղղություններով:

Գագիկ Գալստյանն իր կենսակերպով անհամատեղելի է “մտավորական” հասկացողության հետ, “պարկեշտ մարդ” հասկացողության հետ, “ազնիվ մարդ” հասկացողության հետ:

Նրա պաշտոնավարման տարիներին համալսարանում աննախադեպ զարգացում ապրեց քծնանքը, սահմանափակվեց խոսքի ազատությունը, ստորադասվեց հետազոտական աշխատանքը: 

Ճնշումներ իրականացվեցին սկզբունքային անձանց նկատմամբ:

Գագիկ Գալստյանը ստորացրեց բազմաթիվ երիտասարդների՝ ստիպելով գովերգել ԱՄԵՆԱԼԱՎ, ԱՄԵՆԱՆՐԲԱՆԿԱՏ, ԱՄԵՆԱԲԱՐԻ ռեկտորի՝ իրականում արատավոր ու անփառունակ գործունեությունը: Եվ սա նրա ամենանողկալի մեղքերից է:

Գագիկ Գալստյանն իրեն վերագրեց տասնամյակներ շարունակ համալսարանը կառուցողների ավանդը՝ փորձելով ջնջել այն բոլորը, որը ստեղծվել է ուրիշների կողմից:

5 տարիների Գագիկ Գալստյանի պաշտոնավարման ընթացքում ամեն ինչ կառուցվեց ստի ու կեղծիքի վրա ու նա ՉԱՐԻՔ դարձավ այդ համալսարանի համար: 

Գագիկ Գալստյանն օր առաջ պետք է հեռանա ճարտարապետաշինարարական համալսարանից՝ իր հետ տանելով գուրգեն մինասյաններին, անահիտ կարագուլյաններին, մարինա ղազարյաններին, գոհարիկ մատուլյաններին: 

Համալսարանը պիտի մաքրվի, հիմնովին մաքրվի: 

Վաղը կարող է ուշ լինել:

Գագիկ Ներսիսյան

P.S. Մեր արտահայտած յուրաքանչյուր բառի համար մենք կարող ենք բերել անհրաժեշտ ապացույցներ: Իսկ Գագիկ Գալստյանին հրավիրում ենք ուղիղ եթեր՝ ցանկացած հարցի հետ կապված բանավեճի: