Այսուհետ ռեկտոր Գագիկ Գալստյանի պաշտոնավարման յուրաքանչյուր ժամը վարկաբեկելու է իշխանություններին. BUH.AM

Գրագողություն կատարելու պատճառով տնտեսագիտականի ռեկտորի պաշտոնակատար Ռուբեն Հայրապետյանը պաշտոնաթող եղավ: Սա աննախադեպ երևույթ է մեր իրականության մեջ: Այս մասին գրում է BUH.AM-ը:

Բոլորը հասկանում են, որ այնպես, ինչպես եղել է նախկինում, այլևս երբեք չի լինելու:

Սակայն, այս պահին կա չլուծված խնդիր: Ռուբեն Հայրապետյանի պաշտոնանկությունից, ավելի քան, տասներկու ժամ է անցել, սակայն դեռևս պաշտոնանկ չի արվել երկրորդ գրագող ռեկտորը` Գագիկ Գալստյանը:

Այստեղ պետք է հաշվի առնել նաև, որ ի տարբերություն Ռուբեն Հայրապետյանի, մենք գործ ունենք մի անձնավորության հետ, ով իր ատենախոսությունը “գրել” է ռուսերեն լեզվով, որին չի տիրապետում, ով ընդհանրապես որևէ լեզվի չի տիրապետում: Ով ոչ մի գիտական հոդված ինքնուրույն չի գրել ու չի կարող գրել:

Գագիկ Գալստյանը, Ռուբեն Հայրապետյանի պաշտոնանկությունից հետո, այլևս բարոյական իրավունք չունի ղեկավարելու ճարտարապետաշինարարական համալսարանը:

Այսուհետ ռեկտոր Գագիկ Գալստյանի պաշտոնավարման յուրաքանչյուր ժամը վարկաբեկելու է իշխանություններին:

Արմեն Բաբայան

տեխնիկական գիտությունների թեկնածու, դոցենտ

Աղբյուրն՝ այստեղ